Русија го блокираше сајтот на невладина организација специјализирана за следење протести

Руската невладина организација ОВД-Инфо, која ги наведува апсењата за време на опозициските протести во земјата, рече дека медиумскиот регулатор ја блокирал нејзината веб-страница во контекст на растечката репресија врз опозицијата.

Фото: ЕПА

Организацијата, која дава и правна помош за жртвите на политички прогон, рече дека медиумскиот регулатор Роскомнадзор претходно оваа недела ја блокирал нивната веб-страница.

„Засега не сме информирани за одлуката и не ги знаеме причините за блокадата“, објави организацијата на Твитер.

На 20 декември московскиот суд донесе одлука да го „ограничи“ пристапот до страницата, според регистарот на блокирани веб-страници на Роскомнадзор.

Во саботата страницата ОВД-инфо не беше достапна за новинарите на агенцијата Франс прес во Русија.

Одлуката доаѓа на крајот на годината обележана со зголемена репресија против критичарите на режимот, која почна со затворањето на Алексеј Навални, главен опозиционер против претседателот Владимир Путин.

Во септември, Министерството за правда го додаде ОВД-инфо на растечката листа на „странски агенти“, како што ги нарекуваат организациите за кои постои сомневање дека работат против руските интереси со странско финансирање.

Невладината организација Меморијал, столб на граѓанското општество, стравува дека ќе биде затворена до Нова година. Државното правобранителство ѝ се заканува на организацијата со отказ под обвинение за кршење на контроверзниот закон за „странски агенти“.

Легенда под Главна слика

Фото: ЕПА

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе

(Насловот е на турски со причина, во превод, „писмо или револвер“.)

повеќе