Во телефонски разговор

Русија е спремна да разговара со Украина на високо ниво, му рекол денеска Путин на Џинпинг

Кинескиот претседател Си Џинпинг денеска разговарал на телефон со Путин и му рекол дека ги поддржува Русија и Украина во надминувањето на разликите преку дијалог, јавува кинеската државна телевизија.

Фото: ЕПА

Според телевизијата, Путин му рекол на Си дека Русија е подготвена да разговара со Украина на високо ниво.

„САД и НАТО долго време ги игнорираа разумните безбедносни грижи на Русија, постојано отфрлајќи ги своите обврски и продолжувајќи да го засилуваат военото распоредување на исток“, му рекол Путин на својот кинески колега, според телевизијата.

Украинско-руската криза претставува голем предизвик за Кина на многу фронтови, вели Би-би-си.

Сè поблиските дипломатски односи меѓу Русија и Кина може да се видат на Зимските игри - со доаѓањето на Путин во Пекинг како еден од само неколкуте светски лидери што ќе присуствуваат.

Кинеското Министерство за надворешни работи одбива да ја нарече руската офанзива „инвазија“.