Русија до Германија: Никој нема да ја нападне Украина, не драматизирајте

Русија ги отфрли заканите дека нема да го пушти во работа контроверзниот гасовод Северен тек 2 во случај на руска инвазија на Украина.

EPA-EFE

Прашањето ја гасоводот „не треба да се драматизира“, изјави заменик министерот за надворешни работи на Русија Сергеј Рјабков за надворешнополитичкиот магазин Международнаја жизњ денес.

„Никој нема да ја нападне Украина“, истакна тој.

Го обвини Западот дека гасоводот од Русија до Германија се користи како „адут за преговори“ и средство за притисок врз Москва.

Новата германска министерка за надворешни работи Аналена Бербок кажа дека во случај на руски напад врз Украина ќе се забрани работата на Северен тек 2, кој минува под Балтичкото Море меѓу Русија и Германија.

Таа за ЗДФ истакна дека САД и претходната германска влада разговарале за тоа дека „во случај на понатамошни ескалации овој гасовод повеќе не би можел да биде споен на мрежата“, алудирајќи на ситуацијата на границата меѓу Украина и Русија.

„Ним не им е грижа колку се високи цените на гасот во Европа“, кажа Рјабков мислејќи на Западот. „Спремни се да плаќаат од свој џеб, покажувајќи ја атлантската солидарност во борбата против Москва“.

Со недели извештаите за наводни руски подготовки за инвазија во Украина предизвикуваат тензии во западните земји. ЕУ и НАТО ѝ се заканија на Русија со тешки последици во случај на воена ескалација.

Москва повика на прекин на ширењето на НАТО на исток, што го гледа како закана. Влегувањето на Украина во НАТО и можното поставување ракетни системи во близина на границата на Русија претставува опасност за руската безбедност, порача рускиот министер.

Легенда под Главна слика

EPA-EFE

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе