Рохани: Иран не сака војна со ниедна земја

Иранскиот претседател Хасан Рохани му кажа на својот француски колега Емануел Макрон дека неговата земја „не сака војна со ниедна земја“, па ни со САД, пренесе денеска иранската државна агенција ИРНА.

„Иран нема никаков интерес да крева тензии во регионот и не сака војна со ниедна земја, па ни со САД“, рече Рохани во телефонскиот разговор со Макрон.

Рохани и Макрон разговараа во време на силни тензии меѓу Вашингтон и Техеран, помалку од една недела откако Иран собори американски дрон, и во време на загриженост за иднината на нуклеарниот договор со Иран кој САД унилатерно го напуштија во 2018 година.

Макрон во понеделникот рече дека ќе разговара со американскиот претседател Доналд Трамп за Иран на маргините на самитот Г20, кој се одржува на крајот на неделата во Јапонија.

Како што пренесува ИРНА, Рохани му рекол на Макрон дека Иранците „секогаш работеле во корист на мирот и регионалната стабилност и дека и понатаму ќе работат така“.

„Ако Иран не остварува корист од договорот, Иран ќе ги намали своите обврски за кои се согласи“, наведе Рохани и додаде дека Техеран „нема повторно да преговара“ за договорот.

Иранскиот претседател ги означи САД за виновни за „сета напнатост во регионот“, а по повод соборениот дрон рече дека леталото доби предупредување кога влезе во иранскиот воздушен простор.

„Ако САД сакаат илегално да влегуваат во иранските територијални води, вооружените сили решително ќе одговорат“, предупреди Рохани.

Вашингтон тврди дека дронот е соборен во меѓународниот воздушен простор.

ЕУ покажа дека не е во состојба да ги исполни ветувањата дадени пред скоро две децении во Солун и одлучи веќе да не се преправа.

повеќе

Кога политичарите сватија за каква моќна алатка се работи, час поскоро побрзаа да менуваат закони со кои „бомбите" нема да бидат докази.

повеќе

Брегзитот, односно напуштањето на Велика Британија на ЕУ, без сомневање ќе влијае врз градењето на новата политичка архитектура во Европа, со нова поделба на интересни зони на стариот континент.

повеќе