Членови на долниот дом на Конгресот од редовите на демократите ја претставија резолуцијата за отповикување на претседателот во заминување.
Републиканскиот членови на долниот дом го отфрлија барањето на демократите за придвижување на 25-от амандман против Трамп – со што го блокираа итното разгледување на тоа прашање.
Ненси Пелоси, претседавачката со Претставничкиот дом, изјави дека долниот дом на американскиот Конгрес ќе го разгледа 25-от амандман за разрешување на претседателот Доналд Трамп од функција – откако републиканците го блокираа нивниот обид да го претстават тоа прашање – пред да преминат на легислативата која го регулира отповикување.
Пелоси кажа дека демократите, кои го контролираат Претставничкиот дом, го повикале потпретседателот Мајк Пенс во рок од 24 часа од усвојувањето на законот за отповикување да им одговори дали е согласен со разрешување на Трамп врз основа на 25-от амандман.
Во документот кој го претставија демократите Трамп е обвинет за „поттикнување бунт“, а се наведува дека актуелниот претседател активно го поттикнувал насилството на американски Капитол.
The Article of Impeachment: Incitement to Insurrection, drafted by Rep @davidcicilline, @RepRaskin, me & @HouseJudiciary staff, has now been formally introduced at the House pro forma session today. https://t.co/Y6ntbSXF9G pic.twitter.com/MfB4CpqC6C
— Ted Lieu (@tedlieu) January 11, 2021
Документот укажува на неколку лажни тврдења кои Трамп ги изнесе, вклучувајќи дека изборите му се „украдени“ и дека тој е законскиот победник на претседателските избори 2020 година.
Гласањето би требало да се одржи подоцна неделава, а Трамп би можел да биде првиот американски претседател со две постапки за отповикување.
