Атина

Ректорка добила сомнителен плик, седуммина во болница

Во болница во Митилена, главниот град на грчкиот остров Лесбос, седум лица кои биле во контакт со сомнителен плик од Индија се во болница.

Тие се хоспитализирани заради претпазливост, а пликото, како што пренесуваат агенциите, пристигнало на адреса на локалниот Егејски универзитет.

АНА пренесе дека пликото наменето за ректорката на тој универзитет Криси Вицилакис пристигнало во средата од Индија.

Се наведува дека по отворањето на пликото неколку вработени кои биле присутни почувствувале иритација во устата и носот, која потоа се намалила. Грчката агенција наведе дека пликото е испитувано во Државната лабораторија за општа хемија во Атина, а зградата на Универзитетот во Митилeнa е проверена од тим експерти кои пристигнале кон крајот на минатата ноќ.

Грчките власти започнаа антитерористичка истрага поради писмата испратени од Индија до ректорите на 12 грчки универзитети.

Истражувањата покажаа дека во пликовите се наоѓалo иритирачко индустриско средство кое предизвикало алергиска реакција кај членовите на универзитетскиот персонал.

Писмата се упатени на адреса на ректорите на 12 универзитети низ цела Грција, од островите до централна Грција и Атина, а некои пликоа исто така содржеле печатена „исламистичка содржина“ на англиски јазик, изјави неименуван официјален претставник на полицијата, без да даде повеќе детали, пренесе Ројтерс.

Генералниот секретаријат за цивилна заштита соопшти дека иритантот, кој инаку се користи за производство на лепила и мастила, веројатно е намерно ставен во ковертите.

Некои писма се пресретнати пред да стигнат до адресите на кои биле испратени.

Деновиве Владата донесе одлука за формирање на ново министерство. А и така, по глава на жител, верувам, рекордери сме по министерства и министри. Оттука, размислував зошто да не предложам да се формира уште едно – за „спречување автоголови".

повеќе

Денес, кандидати за политички функции се луѓето. Утре, тоа ќе го прават интелигентни машини. И, тие може и ќе победуваат, како што расте незадоволството на граѓаните од човечките политичари.

повеќе

Еден од начините на промовирање подобри меѓуетнички односи помеѓу децата е овозможување подолготраен контакт помеѓу нив што ќе овозможи создавање значајни индивидуални врски помеѓу децата.

повеќе