Реконструкција на влада на јапонски: додаваш син на бивш премиер и две жени за да си го поправиш имиџот

Јапонскиот премиер Шинзо Абе ја реконструираше својата влада, во која додаде две жени и синот на поранешниот премиер за да го освежи имиџот на владата.

Абе истовремено го задржа континуитетот на безбедносната политика и на трговијата, кои се свртени кон САД.

Абе, на кој срдечните односи со американскиот претседател Доналд Трамп му се столб на политиката, ги задржа истите лица на клучните места во реконструираната влада, објавено е денеска.

Таро Коно, кој беше министер за надворешни работи, именуван е за министер за одбрана, додека Тошимитсу Мотеги, министерот задолжен за економската политика, сега е шеф на дипломатијата.

Министерот за финансии Таро Асо, исто така долгогодишен политичар, го задржа своето место, како и портпаролот на владата Јошихиде Суга.

Премиерот воведе 13 нови личности, меѓу кои се и две жени, кои ги добија ресорите внатрешни работи и Олимпијада.

Жените во власта обично го привлекуваат вниманието во Јапонија, која добива критики дека заостанува во нивното именување на функции во фирмите и на политички функции.

Вниманието го привлече и новиот министер за животна средина Шинџиро Коизуми, син на поранешниот премиер Јуничиро Коизуми. 

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе