Рама за враќање на смртната казна: „Не може“

Албанскиот премиер Еди Рама изјави дека не може повторно да се врати смртната казна.

EPA-EFE

Тој истакна дека тоа е цивилизациско прашање и проблемот во Албанија не е законската регулатива туку неодговорноста на правосудството, пренесуваат албанските медиуми.

За повиците за повторно воведување на смртната казна по киднапирањето и убиството на осумгодишно момче во Фиер, Рама кажа дека се покажало дека таквата казна не го спречува извршувањето на најтешките кривични дела. Наведе дека во овој момент ја разбира реакцијата на голем дел од општеството, но дека прашањето на смртната казна одамна е цивилизациско прашање, со кое се бават земјите од ЕУ и пошироко.

„Врз основа на многу анализи или факти кои јасно зборуваат дека не само од морален аспект на демократското општество, туку и од практичен аспект смртната казна не ги прави таквите настани неизбежни. За жал, дури и во најразвиените општества постојат оние кои се во состојба да дојдат до најекстремни манифестации на она што останало од животното во човечкото суштество“, кажа Рама.

Албанскиот премиер истакна дека Албанија има најстрог закон, но дека проблем е неговото спроведување.

„Она што за нас претставува катастрофа долга низа години е токму неодговорноста на правосудството во однос на поединците кои извршиле екстремни злосторства“, кажа Рама и наведе дека проблемот е што за убиства и силувања извршителите биле ослободувани или им биле изречени повеќекратно пониски казни, па ги повторувале кривичните дела.

„Можност да се преиспита законодавството секогаш постои, но правосудството треба да го примени законот. Предизвикот не е да се напишат повеќе закони, туку да се спроведат“, кажа Рама.

Легенда под Главна слика

EPA-EFE

Јазикот е многу повеќе од структура на една реченица или граматика, јазикот е нашата историја, нашите обичаи и нашето наследство...

повеќе

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе