Путин: Уште во 2001 знаев за севернокорејската атомска бомба, тоа ми го кажа пријателот Ким Јонг Ил

Рускиот претседател Владимир Путин изјави вчера дека за постоењето на атомската бомба на Северна Кореја уште во 2001 лично му кажал тогашниот севернокорејски лидер Ким Јонг Ил.

Путин кажа дека во 2001 на враќањето од Јапонија ја посетил Северна Кореја каде се сретнал со таткото на сегашниот лидер и дека Ким Јонг Ил му кажал дека Пјонгјанг има атомска бомба.

„Кога беше тоа? Во 2001! Сега е 2017, земјата живееше под постојани санкции и наместо нуклеарна бомба сега имаат хидрогенска бомба“, кажа Путин.

Рускиот претседател кажа дека една недела по неговата посета било „решено да се блокираат сметките на севернокорејските банки, бидејќи некој проценил дека обврските што Северна Кореја ги презела не се доволни“, по што Пјонгјанг, како што кажа „веднаш се повлече од сите договори и почна со развојот на нуклеарната програма“.

Путин кажа дека верува дека нема право да суди за политиката на претседателот на САД Доналд Трамп кон Северна Кореја, но додаде дека „сите страни би требало да ја смират непријателската реторика“ и дека треба да се најдат начини за директен дијалог меѓу САД и Северна Кореја и меѓу Пјонгјанг и земјите од тој регион“.

Тој истакна дека оние кои комуницираат со Пјонгјанг од позиција на сила „го зацврстуваат севернокорејскиот режим“.

Најновите случувања на релација политичка власт-граѓански сектор, повторно го отвораат прашањето за односите помеѓу овие два сегмента на општествениот живот.

повеќе

Жените имаат повеќе тешкотии од мажите да најдат значајна и добро платена работа, а процентот на жени во глобалната работна сила постојано заостанува зад процентот на мажите. 

повеќе

Во нашето општество сме опкружени со многу, многу партизани. Партизани во политиката, партизани во образованието и науката, партизани во бизнисот...

повеќе