Путин убеден дека Русија без проблем ќе им се приклучи на петте најразвиени економии во светот

Путин потсети дека од аспект на куповната моќ, Русија во моментов е шеста, по Кина, САД, Индија, Јапонија и Германија.

Рускиот претседател Владимир Путин верува дека целта земјата да им се приклучи на првите пет најразвиени економии во светот е „апсолутно остварлива“.

„Во врска со (плановите) да го заземеме нашето заслужено место меѓу другите индустриски сили, тоа е тешка задача, но во целост таа е апсолутно остварлива“, рече тој денеска, додавајќи дека пред Русија стои задачата да стане петта по големина економија на глобално ниво според куповната моќ и дека во моментов таа е шеста, по Кина, САД, Индија, Јапонија и Германија.

„Разликата помеѓу Русија и Германија е мала, во одреден момент веќе го зазедовме петтото место, но за нас тоа не е едноставно апсолутен приоритет. Апсолутниот приоритет е друг - да се промени структурата на економијата“, рече тој.

Според Путин, „промените во економската структура се потребни за да се обезбеди долгорочен развој, што е апсолутен приоритет, за да се обезбеди повеќекратно зголемување на ефикасноста на работната сила.“ Путин додаде дека развојот на инвестициски проекти е особено релевантен во однос на тековната средина поврзана со надворешните ограничувања со кои се соочува земјата.

Се затвораат цркви, но се отвораат кладилници.

повеќе

Во повеќето земји во развој, ковид-19 предизвикува економски ураган.

повеќе

Бизнис заедницата која до пред некој месец постојано „трубеше“ како државата не треба да ѝ се меша во работата, веднаш почна да плаче за државна помош.

повеќе