Путин: Ширењето на НАТО е бесмислено и закана за Русија

Претседателот на Русија Владимир Путин го критикуваше продолжувањето на ширењето на НАТО кое, како што сугерираше, било бесмислено.

Како што истакна Путин, тоа е бесмислено имајќи го предвид непостоењето на закана од Москва по распадот на Советскиот Сојуз во 1991 година.

Зборувајќи на состанок на руските воени лидери во Сочи на Црното Море, Путин кажа дека ширењето на НАТО претставува закана за Русија, но дека се надева дека интересот за заедничка безбедност ќе надвладее, пренесува Ројтерс.

И покрај тензиите, Путин порача дека Русија останува спремна за соработка со воениот пакт.

Портпаролот на Кремљ Дмитриј Песков кажа дека Русија „со големо внимание“ ги следи настаните во Лондон, каде НАТО одбележува 70 години од формирањето.

Воениот пакт кој има 29 членки е формиран во 1949 година за Европа да се заштити од влијанието на тогашниот Советски Сојуз.

Песков кажа дека НАТО е „производ на ера на конфликти, ерата на Студената војна“, на што Русија не сака да се враќа.

„Сојуз кој е создаден и обликуван со идеологија на конфронтација, нормално, не може да донесе ништо друго освен конфронтација“, кажа Песков.

Сѐ потесните односи на Турција и Москва ги зголемуваат тензиите меѓу членките на НАТО, но Песков тврди дека таа соработка не ѝ штети на Алијансата.

Овогодинешниот процес во одлучување по конкурсот за финансирање на проекти за игран филм е селективен, корумпиран и компромитиран,

повеќе

Во споредба со 2019 година, просечното време поминато на социјалните медиуми во 2020 година се зголеми за рекордни 100% на сите платформи.

повеќе

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе