Путин: Русија може да го победи коронавирусот за помалку од три месеци

Претседателот на Русија, Владимир Путин, изјави денес дека земјата би можела да го победи коронавирусот за помалку од три месеци ако брзо воведе остри мерки, откако властите веќе одлучија од петок да ги прекинат сите летови до и од Русија.

Властите во Москва најавија дека овој викенд ќе ги затворат сите продавници, освен продавниците за храна и лекови.

Русија денес забележа најголемо зголемување на бројот на заразени лица во еден ден и сега се вкупно 840.

Тоа е сепак многу помалку отколку во другите европски земји, но московскиот градоначалник му рече на Путин во вторникот дека бројот на луѓе што навистина се заразени далеку ги надминува официјалните бројки.

„Дефинитивно ќе излеземе од оваа ситуација ... Се надевам дека тоа ќе се случи за два, три месеци“, рече Путин на средбата со претприемачите.

Путин додаде дека е убеден дека силните мерки воведени за спречување на коронавирусот ќе ја забрзаат борбата против ковид-19.

„Мерките се неопходни и привремени. Колку се посилни и поефикасни, толку пократок ќе биде периодот на рестрикции", рече Путин.

Министерот за одбрана Сергеј Шојгу објави дека се градат 16 центри за заболените, дека првиот ќе биде комплетиран до 30 март, а останатите до 16 мај.

Од 28 март до 5 април се затвораат сите продавници и трговски центри, освен аптеките и продавниците за храна. Нема да работат ниту рестораните ниту кафулиња, објави московскиот градоначалник.

Единствени исклучоци од забраната за летање ќе бидат руските авиони што ќе ги враќаат руските државјани од други земји и оние со посебни дозволи, соопшти владата.

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе