Путин предлага референдум за измени на Уставот

Рускиот претседател Владимир Путин за време на денешното обраќање пред пратениците на Долниот и Горниот дом на рускиот парламент изјави дека тој нема да бара да измени на Уставот, бидејќи се сложува со тоа дека постои ограничување на бројот на претседателски мандати.

Путин во своето годишно обраќање за состојбата на нацијата пред руската Дума, рече дека се сложува со сегашниот Устав, кој забранува повеќе од два последователни претседателски мандати, но исто така објасни дека некои работи сепак би ги менувал.

„Знам дека во нашето општество постои размислувања за одредбата дека едно лице не може да остане на функцијата претседател повеќе од два мандата по ред. Мислам дека тоа не е нешто важно, но се согласувам со оваа одредба“, рече Путин.

Тој, исто така, рече дека би било пожелно на премиерите, гувернерите и другите службени лица да им се укине можноста за двојно државјанство или дозволата за престој во некоја друга држава.

Путин исто така понуди да се ограничат овластувањата на претседателот врз основа на кои ги предлага членовите на владата и да го зголеми влијанието на парламентот за ова прашање.

„Мислам дека претседателот не треба да може да го отфрли кандидатот избран од парламентот“, рече Путин.

Тој исто така истакна дека не би било лошо да се одржи референдум за измените на Уставот.

Одамна се шпекулира дека Путин ќе се обиде да промени одредени членови од Уставот за себеси да си обезбеди уште еден мандат, што тој повеќепати го негираше.

Рускиот претседател победи на повторните избори за втор последователен мандат на местото претседател во 2018 година, а следните претседателски избори треба да се одржат во март 2024 година.

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе

Се поставува прашањето, дали треба да се жртвува слободата за сметка на жртвите кои се последица од вирусот, кој не можеме да го спречиме освен со строги санкции и мерки?

повеќе