Путин по трагичната експлозија во ракетната база: Нема опасност

Рускиот претседател Владимир Путин денес кажа дека нема опасност по експлозијата во која загинаа пет лица на 8 август во воената база на рускиот Далечен север.

На конференција за медиумите пред средбата со францускиот колега Емануел Макрон во Брегансон, рускиот претседател кажа дека нема никаква опасност ниту зголемување на нивото на зрачењето.

„Испративме експерти на местото на експлозијата и тие ја контролираат состојбата“, кажа тој и додаде дека се преземени превентивни мерки за ништо непредвидено да не се случи.

На 10 август руската нуклеарна агенција Росатом објави дека два дена претходно во експлозијата во ракетната база во Архангелск загинале пет лица.

По несреќата руското министерство за одбрана ја исклучи можноста за радиоактивно зрачење.

Градските власти на местата најблиску до базата наведоа дека забележале кратко зголемување на радиоактивноста и потоа ја повлекоа објавата. Руските власти потоа признаа дека несреќата е поврзана со тестирање ново оружје.

На 15 август норвешката управа за нуклеарна безбедност наведе дека неколку дена по експлозијата открила траги од радиоактивен јод во областите кои граничат со Русија.

„Во моментов не е возможно да се одреди дали трагите од радиоактивен јод се поврзани со несреќата во Архангелск“, истакна норвешката агенција за нуклеарна безбедност.

Јавното здравје и економијата одат заедно и во време на пандемија, па затоа најдобриот начин да ѝ се помогне на економијата во оваа криза е ако се воведат адекватни рестрикции за пандемијата да се стави под контрола.

повеќе

Стопанската комора на Македонија со донесувањето на 4-тиот сет на мерки гледа остварување на ветеното дека Владата на РСМ и во услови на здравствено- економска криза ќе стои зад компаниите.

повеќе

Оваа парафраза на големиот Иво Андриќ, нобеловец и водечко книжевно име на Балканот, за малку ќе го погодеше лично него.

повеќе