Путин отворен за мировни преговори со Украина

Рускиот претседател Владимир Путин и неговиот украински колега Володимир Зеленски за првпат разговараа за украинскиот конфликт, потврди Кремљ.

Путин и Зеленски преку телефон разговараа за конфликтот во Украина и размената на затвореници, објави агенцијата Интерфакс неколку часа откако Путин посочи дека е отворен за преговори со Украина по нејзините парламентарни избори на 21 јули.

„Се разговараше за прашања поврзани со решавањето на конфликтот на југоисточниот дел на Украина и заедничка соработка за враќањето на затворените лица од двете страни“, рече портпаролот на Путин, Дмитриј Песков.

Двајцата лидери разговараа за можноста да се продолжат контактите во „нормандски формат“, кој вклучува учество на Франција и Германија во преговорите, со цел да се стави крај на конфликтот меѓу проруските сепаратисти и украинските сили.

Путин претходно рече дека за овие прашања „ќе биде повеќе или помалку можно да се разговара откако ќе се формира нова украинска влада и ќе се одржат парламентарните избори“.

Зеленски ја презеде должноста претседател пред два месеци и рече дека решавањето на конфликтот во Украина му е главен приоритет.

Тој во понеделникот изјави дека е подготвен да се состане со рускиот лидер во Минск на разговори на кои, како што рече, треба да бидат вклучени Германија, Велика Британија, САД и Франција.

Односите меѓу Украина и Русија се силно заострени откако Москва го анектираше полуостровот Крим во 2014 година и ги поддржаа вооружените сепаратисти во регионот Донбас во источна Украина во конфликт во кој се убиени 13.000 луѓе.

Договорот за примирје, потпишан во белорускиот главен град Минск во 2015 година со поддршка од Франција и Германија, имаше само ограничен успех во прекинот на непријателството.

Античкиот грчки филозоф Хераклитус, кој живеел пред Сократ, Платон и Аристотел, е авторот на често користената поговорка „панта реи“ (Panta rei), односно, во превод, поедноставено: ,„сѐ тече, сѐ се менува, ништо не останува исто, нема апсолутна вистина и единствена реалност е повеќегодишно движење“.

повеќе

Интеграциите и буџетски субвенционираната економија и социјала се проектираните теми на кампањата на власта за претстојните избори.

повеќе

Третманот и плаќањето на работникот од кого зависи целиот производствен систем, треба да биде на прво место кај државата и работодавачот. 

повеќе