„Влијанието на САД слабее“

Путин не ја исклучува можноста за руско-кинески воен сојуз

Претседателот на Русија Владимир Путин изјави дека сега нема потреба од руско-кинески воен сојуз, но дека тој би можел да биде склучен во иднина.

EPA-EFE

„Нам (сојуз со Кина) не ни е потребен, но теоретски, сосема е возможно да се замисли“, одговори Путин на прашањето за можноста за воен сојуз на Москва и Пекинг за време на видео-конференција со меѓународни надворешнополитички експерти.

Путиновата изјава укажува на продлабочување на врските на Москва и Пекинг, во време на сѐ поголеми тензии во односите на двете сили со САД.

Русија и Кина развија „стратегиско партнерство“, но досега ја отфрлаа можноста за формирање воен сојуз.

Путин денес потсети на заедничките воени вежби на Русија и Кина, а неведе и дека Москва споделила чувствителни воени технологии кои значително придонеле на јакнењето на кинескиот воен потенцијал.

„Бе каков било сомнеж, нашата соработка со Кина ја јакне одбранбената способност на кинеската војска“, наведе Путин и додаде дека во иднина се можни уште поблиски воени врски на двете земји.

„Времето кога Русија и САД решаваа за светските прашања заврши“

Времето кога САД и Русија одлучуваа за најважните светски прашања е минато, кажа рускиот претседател додавајќи дека Кина и Германија се движат кон статусот суперсили.

Путин на состанокот на Валдај клубот сугерираше дека моќта на САД слабее, како и таа на Британија и Франција, но дека Пекинг и Берлин, во смисла на политичката и економска тежина, стануваат суперсили.

Ако Вашингтон не е спремен со Москва да разговара за глобалните проблеми, Русија за тоа ќе разговара со други држави, кажа Путин преку видеолинк.

Легенда под Главна слика

EPA-EFE

Конески со голема дарба и со рационална мисла, создаде комуникативна поезија, создаде за македонските генерации образец на читлива литература.

повеќе

Првичната реакција на голем број држави кога се појави новата варијанта на ковид-19 вирусот за забрана на патувањето од Јужна Африка и од соседните држави, иако истиот веќе се има проширено, е очајна мерка. Всушност, државите можеби се и подобро подготвени отколку што мислат за што и да следи.

повеќе

Со неколку геополитички шаховски потези, Кина докажа дека не секогаш оружјето и војните се единствениот начин за глобална доминација.

повеќе