Путин наскоро нема да има друг избор освен да нападне со нуклеарно оружје, порача руски провладин новинар

„Владимир Путин наскоро нема да има друг избор освен да ја нападне Украина со нуклеарно оружје“, рече водечки воен провладин репортер на руската телевизија. Александар Сладков се залага за фрлање атомска бомба за „да се создаде кратер со големина на неколку региони“ со цел „да се демонстрира сила и да се заплаши НАТО“.

Фото: ЕПА

„Сѐ повеќе се зборува за нуклеарно оружје, а Русија има многу да каже за тоа“, напиша Сладков на Телеграм. „Имаме решение за Украина. Имаме неколку, но тие нѐ потсетуваат на она последното - нуклеарно оружје. Ако никој не сака да нѐ слушне, а 40 земји продолжат да им помагаат на украинските неонацисти, нема да има враќање назад.“

„Американците употребија нуклеарно оружје во Јапонија како демонстрација. Така и ние, Русите, треба демонстративно да го направиме тоа во Украина за да ја отстраниме темата за понатамошна конфронтација со тие 40 земји“, напиша тој на социјалната мрежа.

„Кратер со големина на неколку региони ќе биде јасен пример за тоа колку е сериозен апелот на Русија до НАТО за враќање на мирот и хармонијата. Но каде ќе биде Украина тогаш? Токму каде што се движи и сега, со таа разлика што ова ќе биде побрзо и поевтино за Русија.“

„Европејците и Американците не можат да разберат дека некој не може да малтретира соседна земја со таков огромен нуклеарен потенцијал“, напиша Сладков, навраќајќи се повторно на историјата и спомнувајќи го американското фрлање нуклеарни бомби врз Хирошима и Нагасаки и планот за испорака на нуклеарно оружје во Виетнамската војна. „Сѐ е можно, на тоа нѐ учат Американците. А ние учиме. Ништо од тоа нема да биде подобро за Украина“, рече владиниот пропагандист.

Легенда под Главна слика

Фото: ЕПА

Па како што велеле НЕ моите омилени македонски преродбеници од 19 век, и јас ќе кажам НЕ на овој предлог.

повеќе

Се докажува дека ЕУ интеграцијата е дијалектички процес, кој е подложен на динамика и на противтежни сили, процес кој нема да се одвива стабилно, автоматски и линеарно.

повеќе

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе