Путин надгледуваше воена вежба, на руска подморница една ракета ѝ останала во цевката (ВИДЕО)

Руска нуклеарна подморница минатата недела се откажа од тестирање интерконтинентална балистичка ракета на воената вежба која ја следеше и рускиот претседател Владимир Путин, соопшти денес руското министерство за одбрана.

Нуклеарната подморница К-44 „рјазањ“, дел од руската Пацифичка флота, требала на 17 октомври да лансира две балистички ракети Р-29Р во Охотското Море. Таа успешно лансирала само една, додека другата останала во цевката на подморницата, јавуваат руските агенции.

Инцидентот се случил истиот ден кога Путин ја следеше вежбата од командниот центар во министерството за одбрана во Москва.

Акцијата во Охотското Море беше дел од пошироката вежба на руските оружени сили, позната како „Гром 2019“, чија цел беше да се тестира спремноста на силите за нуклеарен конфликт.

Руското министерство за одбрана го потврди денес инцидентот со балистичката ракета, но ги отфрли тврдењата на одделни руски медиуми дека неуспешното лансирање на втората ракета предизвикало „итна ситуација“.

Во вежбата на рускиот Далечен исток и Далечен север од 15 до 17 октомври учествуваа над 12 илјади војници, над 100 летала и пет подморници, соопшти министерството. Вежбата се одвиваше во регионот на Баренцовото, Балтичкото, Црното и Охотското Море, како и Каспиското Езеро.

Поентата на глобализмот е максимално економско вмрежување во десетици економски сојузи на секоја држава.

повеќе

Социјалниот маркетинг веднаш би можел ефективно да придонесе во напорите против нееколошкото однесување во нашата земја.

повеќе

Античкиот грчки филозоф Хераклитус, кој живеел пред Сократ, Платон и Аристотел, е авторот на често користената поговорка „панта реи“ (Panta rei), односно, во превод, поедноставено: ,„сѐ тече, сѐ се менува, ништо не останува исто, нема апсолутна вистина и единствена реалност е повеќегодишно движење“.

повеќе