Путин: Коронавирусот се стабилизираше во Русија, бројот на новозаразените паѓа

Рускиот претседател Владимир Путин кажа дека коронавирусот се стабилизирал во земјата и дека бројот на новозаразените паѓа.

EPA-EFE

За време на видео-конференција со водечките функционери во земјата Путин кажа дека „позитивната динамика не е толку брза колку што тие би сакале да биде“ и дека е понекогаш дури и нестабилна, но „дека таа постои“.

Русија во моментов е втора по САД според бројот на заразени со коронавирусот со повеќе од 324.000 случаи и со над 3.200 умрени. САД имаат над 1,5 милиони заразени и 90.000 умрени.

Рускиот претседател кажа дека позитивниот тренд овозможува понатамошно попуштање на рестрикциите но истакна дека мора да се зачува капацитетот на болниците за можен втор бран на заразата.

Функционерите му пријавија на Путин дека болниците каде што се лекуваат пациентите со ковид-19 во моментов се пополнети едвај нешто над половина од капацитетот и дека опаѓа приливот на пациентите, особено на оние во тешка состојба.

Стапката на смртност од коронавирусот во Русија остана забележително ниска, на околу 1 отсто, што предизвикува сомнежи кај Западот дека Русија пријавува помал број на смртни случаи од реалниот.

Руските власти го отфрлија ова тврдење наведувајќи дека ниската стапка на смртност ги одразува ефикасните превентивни мерки и распространетото тестирање.

Легенда под Главна слика

EPA-EFE

Јавното здравје и економијата одат заедно и во време на пандемија, па затоа најдобриот начин да ѝ се помогне на економијата во оваа криза е ако се воведат адекватни рестрикции за пандемијата да се стави под контрола.

повеќе

Стопанската комора на Македонија со донесувањето на 4-тиот сет на мерки гледа остварување на ветеното дека Владата на РСМ и во услови на здравствено- економска криза ќе стои зад компаниите.

повеќе

Оваа парафраза на големиот Иво Андриќ, нобеловец и водечко книжевно име на Балканот, за малку ќе го погодеше лично него.

повеќе