На самитот во Париз

Путин и Зеленски се сретнаа за првпат, без насмевки и ракување (ВИДЕО)

Претседателот на Русија Владимир Путин и украинскиот претседател Володимир Зеленски се сретнаа на самитот во Париз, чија цел е да се зајакнат напорите да се врати мирот во источна Украина. Средбата на која присуствуваат и лидерите на Франција и Германија, Емануел Макрон и Ангела Меркел, мина без насмевки и ракување, пренесува Ројтерс.

Целта на средбата на Путин и Зеленски е да се стави крај на конфликтот во кој од 2014 година загинаа над 13.000 луѓе.

Дипломатите предупредуваат дека шансите да се постигне траен мир и не се големи, бидејќи Зеленски нема голем маневарски простор, а Путин покажува мал интерес за прилагодување на надворешните притисоци.

По низата билатерални средби во Елисејската палата, Путин и Зеленски влегоа во собата за средбите на четворицата лидери, накратко се погледнаа, но без насмевка.

Путин и Зеленски не се ракуваа пред камерите, истакнува Ројтерс.

„Главното прашање е како да се изгради доверба, како би можеле да тргнеме кон целта на обнова на украинскиот суверенитет“, наведе дипломатски избвор од Франција.

Британската агенција наведува дека, и покрај договорот за прекин на огнот од Минск 2015, има многу малку знаци дека може да се најде мирно решение на конфликтот.

Самитот во Париз е прва средба на овие четворица лидери во таканаречениот Нормандиски формат, откако Зеленски го замени Петро Порошенко на функцијата претседател на Украина.

Десензитивизацијата на Американците кон вртоглаво зголемениот број на жртви во пандемијата ја оправдува познатата опсервација на Јосеф Сталин: „Една смрт е трагедија; еден милион е статистика “. 

повеќе

Практичната имплементација на владината стратегија „едно општество за сите“, која на хартија има добри намери, е засенета од неуспешната борба против корупцијата и организираниот криминал.

повеќе

Веќе четврта деценија штом општеството се фокусира на македонско-бугарските или македонско-албанските односи, на улиците излегуваат навивачките групи со навредливиот репертоар. Спонтано? Ајде, Ве молам.

повеќе