Путин ѝ се закани на Европа околу гасот: „Последиците ќе бидат исклучително болни“

Рускиот претседател Владимир Путин изјави дека Европа нема друга алтернатива освен да продолжи да ја користи руската енергија, предупредувајќи на „исклучително болни" економски последици доколку континентот се обиде да го прекине снабдувањето со нафта и гас. „Едноставно не постои разумна замена за Европа", рече Путин во обраќањето од својата резиденција во близина на Москва.

Фото: ЕПА

„Едноставно нема резервни количини на глобалниот пазар, а испораките од други земји, пред се од САД, кои би можеле да бидат испратени во Европа ќе ги чинат потрошувачите многукратно повеќе“.

Лидерите во Европа се обидуваат да ја намалат зависноста од руската енергија. Украинскиот претседател Володимир Зеленски ги критикуваше земјите како Германија кои се против целосна забрана на руската нафта и гас - велејќи дека имаат крв на рацете.

Сепак, Путин исто така призна дека има „проблеми со плаќањето на руските извозни енергенти“ бидејќи банките од „непријателските земји го одложуваа трансферот на средствата“. „Како што многупати кажавме, тука најголем проблем е нарушувањето на извозната логистика“, рече тој.