Им испратил писма на повеќе земји

Путин го повикал НАТО на мораториум за распоредувањето ракети

Рускиот претседател Владимир Путин испратил писма на државните врвови на повеќе земји, вклучувајќи членки на НАТО, предложувајќи мораториум на распоредувањето на ракети од среден и краток дострел.

Како што јавува рускиот весник Комерсант, повикувајќи се на извор запознаен со содржината на документот, писмото наводно било испратено уште на 19 септември.

Се напоменува дека писмото го примиле и шефицата на европската дипломатија Федерика Могерини и генералниот секретар на НАТО Јенс Столтенберг.

Комерсант пишува дека Москва веќе им предлагаше слични договори на државите на Алијансата, но дека тие досега не покажале интерес за тоа. „Ве повикуваме да ги поддржите нашите напори со залагање во корист на прогласување мораториум на распоредувањето на ракети од среден и краток дострел со копнено базирање во рамки на НАТО, сличен на оној што го најави Русија“, пишува во писмото.

Од Путиновото писмо се гледа дека дури и без Договорот за елиминација на ракетите (ИНФ) Русија е спремна да се договара со земјите од НАТО за некои мерки на верификација, истакнува рускиот весник.

Договорот за елиминација на ракетите со среден и краток дострел беше потпишан на 8 декември 1987 година, за време на посетата на советскиот лидер Михаил Горбачов на Вашингтон. Страните се обврзаа да ги уништат сите системи на балистички и крстосувачки ракети поставени на копно со среден и краток дострел (од 1.000 до 5.500 и од 500 до 1.000 километри).

Во октомври 2018 година американскиот претседател Доналд Трамп најави повлекување на Вашингтон од договорот, обвинувајќи ја Русија за негово долгорочно кршење, за што американската страна не даде никакви докази.

Како одговор на потегот на САД Русија во 2019 година го прекина своето учество во договорот, кој престана да важи на почетокот на август.

Дали е аксиом дека со членството во НАТО е гарантирана безбедноста на Македонија? Дали почеток на преговори значи и отворен пат за членство во ЕУ?

повеќе

Што е со оние граѓани кои не се вклопуваат во нашиот (би)етнички дискурс?

повеќе

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе