Путин: Ги уништивме терористите од двете страни на Еуфрат во Сирија

Рускиот претседател Владимир Путин кажа дека е постигната целосна победа над Исламска држава на двете страни на реката Еуфрат во Сирија, пренесува руската новинска агенција Интерфакс.

Путин истакна дека воената операција во тој регион сега е завршена и дека фокусот може да се префрли врз политичкиот процес во кој конечно ќе се вклучат претседателски и парламентарни избори.

Рускиот претседател не прецизираше дали мисли на цела Сирија или само на регионите околу долината на реката Еуфрат.

Руската воена интервенција во Сирија од 2015 година ја сврте насоката на конфликтот во корист на сојузникот на Москва, претседателот Башар Ал Асад.

„Пред два часа рускиот министер за одбрана му јави дека операциите на источниот и на западниот брег на Еуфрат се завршени со целосен пораз на терористите“, кажа Путин.

Тој додаде дека сѐ уште постојат џебови на отпор, но дека вкупното воено дејствува „на ова ниво и на оваа територија е завршено“.

„Треба да се премине на ново ниво, да се почне политичкиот процес“, кажа рускиот претседател.

Брисел не мора да има шпион во Кремљ за да дознае дека Москва ќе стори сè што може за да ја спречи Македонија да се приклучи во НАТО - не поради нејзиното стратегиско значење, туку поради симболичната вредност на потегот, вели политичкиот експерт Иван Крастев за Гардијан.

повеќе

Македонија не е единствената жртва на ваквото здодевно силеџиство на Грција. Грчката влада се расправа и со Албанија и со Турција, вели принцот Мајкл од Лихтенштајн.

повеќе

Нема законски пречки да се снима полициски службеник за време на вршење на должноста, иако полицијата се противи на тоа.

повеќе