Путин: Американско-руските односи во последниве години се на најниска точка

Рускиот претседател Владимир Путин во интервју за американската Ен-би-си њуз, воочи состанокот со претседателот Џо Бајден следната недела, изјави дека руско-американските односи се на најниска точка во последните години.

Фото: ЕПА

Путин и Бајден ќе се сретнат во Женева во среда. Белата куќа најави дека Бајден ќе го стави на дневен ред прашањето за хакерските напади што доаѓаат од Русија, агресијата на Москва врз Украина, затворањето на дисиденти и други прашања што ги загрозуваат тие односи.

„Имаме билатерални односи кои се влошија спуштајќи се на најниско ниво во последните години“, рече Путин.

Путин го опиша поранешниот претседател Доналд Трамп како „исклучителна, талентирана индивидуа“, но и „импулсивна“, додека за Бајден вели дека како кариерен политичар е „радикално различен“ од Трамп.

Запрашан да ја коментира изјавата на Бајден во март кога го нарече убиец, Путин одговори дека слушнал десетици такви обвинувања. „Тоа не е нешто што воопшто ме загрижува“, рече тој.

Бајден на почетокот на осумдневната посета на Европа рече дека САД „не бараат конфликт со Русија“.

„Сакаме стабилен и предвидлив однос, но бев јасен: САД ќе одговорат остро и осмислено доколку руската влада започне со штетни активности“.

Ен-би-си њуз наведе дека Путин негирал дека има какви било информации за какви било хакерски напади од Русија и го повика Бајден да склучат договор поврзан со кибернетика.

Путин исто така ги отфрли обвинувањата на Вашингтон пост дека Русија се подготвува да го снабди Иран со напреден сателит што ќе му овозможи на Иран следење на потенцијални воени цели на Блискиот исток. Тој тврди дека станува збор за лажни вести и дека не знае ништо за тоа.

Легенда под Главна слика

Фото: ЕПА

Западот може да му послужи на остатокот од светот како изложба на ужасни и очигледно неуспешни идеи, меѓу кои се и комунизмот, фашизмот, нацизмот, феминизмот, анархизмот и, во последно време, либерализмот.

повеќе

Како и главниот лик во романот, Доне Совичанов, и Ташко Георгиевски никогаш не потклекна и не побара пусулче од Канцеларијата на нашиот јужен сосед во Скопје за да ја премине границата и да го посети своето родно село во Егејска Македонија.

повеќе

Министерството за финансии во изминатиот период активно работеше на реформа за унапредување на фискалната децентрализација, која нуди сериозно системско решение за стабилни финансии на општините кои ќе значат одговорни општини и испорака на квалитетни и ефикасни услуги за граѓаните. 

повеќе