За извоз

Првиот брод со украинско жито го напушти пристаништето во Одеса (ВИДЕО)

Првиот брод со украинско жито го напушти пристаништето Одеса, јавува Би-би-си.

Фото: Твитер

Исплови бродот „Разони“, кој плови под знамето на Сиера Леоне. На него има 26.000 тони пченка.

„Украина, заедно со нашите партнери, денеска направи уште еден чекор во спречувањето на гладот во светот“, рече Олександр Кубраков, министер за инфраструктура на Украина.

Кубраков нагласи дека Украина направила сѐ за обнова на пристаништата и дека укинувањето на блокадата ќе ѝ донесе една милијарда долари девизен приход за украинската економија.

Украинскиот министер за инфраструктура рече дека 16 натоварени бродови се заглавени во украинските пристаништа од почетокот на руската инвазија и дека планираат да ги вратат пристаништата на полн транспортен капацитет во наредните недели.

Испловувањето на првиот брод што извезува украинско жито рано утринава го најави Турција.

Министерството издаде соопштение во 7:30 часот по локално време. Во него се вели: „Првиот брод од украинските пристаништа ќе исплови денеска во 8:30 часот“.

Извозот на украинско жито беше блокиран со месеци поради руската инвазија.

Легенда под Главна слика

Фото: Твитер

Во Македонија не постои никаква забрана за конверзиона терапија, а лиценцираните психолози што може да се јават како спроведувачи или наведувачи на ваква „терапија“, за жал, не сносат никакви последици.

повеќе

Доколку чувствуваме дека нашиот труд ќе биде награден со успех, ќе ѝ приоѓаме на околината со апетит, доверба и храброст.

повеќе

Од општи формулации кон конкретни разговори.

повеќе