Протест во Софија поради воведувањето на ковид-пропусниците (ВИДЕО)

Стотици демонстранти, предводени од вонпарламентарни политички лидери, протестираа денес во Софија против одлуката „зелениот сертификат“ да стане задолжителен во Бугарија за влез во рестораните, театрите и трговските центри.

EPA-EFE

Демонстрантите од собирот на кој присуствуваа и активисти на помалите националистички партии порачаа дека пропусниците ги загрозуваат нивните слободи и дека на тој начин на „мала врата“ се воведува задолжителна вакцинација, а протести се одржаа во уште неколку града во Бугарија, пренесува Ројтерс.

Привременото министерство за здравство ја најави во вторникот оваа мерка со цел да се успори растот на бројот на нови инфекции и смртни случаи во Бугарија, која инаку е земјата со најмала стапка на вакцинација против ковид-19 во Европската Унија.

Според новите правила, кои стапуваат на сила утре, пристапот до баровите, салите за вежбање, хотелите и другите затворени јавни места ќе биде дозволен само на лицата кои имаат потврда за вакцинација, документ дека ја прележале болеста или да поседуваат негативен тест, а само 24 отсто од возрасните жители се вакцинирани во Бугарија.

Медицинскиот персонал, како и оној во домовите за стари лица, нема да може да работи без овие сертификати, а исклучоци се предвидени за јавниот превоз, банките, аптеките и прехранбените продавници.

Меѓутоа, одлуката наиде на неодобрување на стопанствениците, а и на некои политичари кои се свртени кон третите парламентарни избори во земјата годинава, закажани за 14 ноември.

Додека некои сопственици на ресторани, директори на хотели и театри кажаа дека ќе ги бојкотираат мерките, стотици Бугари истовремено поитаа во центрите за вакцинација за да обезбедат сертификат.

И партијата од десниот центар ГЕРБ и социјалистите ја критикуваа здравствената пропусница, а тие, како и денес демонстрантите, повикаа на оставка на привремениот министер за здравство, кого го именуваше претседателот Румен Радев, по неуспешниот обид по јулските избори да се формира влада.

Легенда под Главна слика

EPA-EFE

Конески со голема дарба и со рационална мисла, создаде комуникативна поезија, создаде за македонските генерации образец на читлива литература.

повеќе

Првичната реакција на голем број држави кога се појави новата варијанта на ковид-19 вирусот за забрана на патувањето од Јужна Африка и од соседните држави, иако истиот веќе се има проширено, е очајна мерка. Всушност, државите можеби се и подобро подготвени отколку што мислат за што и да следи.

повеќе

Со неколку геополитички шаховски потези, Кина докажа дека не секогаш оружјето и војните се единствениот начин за глобална доминација.

повеќе