Протекоа тајни документи на кинеската влада, граделе логори за муслимани

Протекоа низа тајни документи кои откриваат пообјективна слика за таканаречените центри за реедукација на муслиманските малцинства. Имено, кинеската влада тврди дека центрите во Ксинџијанг се доброволни училишта за стручна обука на Ујгурите, но се чини дека сепак станува збор за присилни кампови за реедукација и промена на светогледот.

Документите се објавени вчера од страна на Меѓународниот конзорциум на истражувачки новинари (ИЦИЈ). Се работи за шест документи, претежно од 2017 година, во кои се откриваат планови на кинеската влада за изградба на голем број високо обезбедени објекти каде затворениците присилно се подучуваат на кинески јазик и „идеолошки се образуваат“, пишува Си-ен-ен.

Пекинг и понатаму инсистира на тоа дека масовните кампови се всушност волонтерски центри за стручно оспособување па и во споменатите документи, таквите објекти се нарекуваат „институции за обука“, а затворениците „студенти“.

Но, во документите се наведуваат и строги безбедносни мерки, заклучување на вратите и мерки против бегство на „студентите“. Во нив е предвидено поставување надзорни камери и 24-часовно присуство на чувари.

Според информациите на министерството за надворешни работи на САД, во кинските логори, односно камповите за реедукација, затворени се до два милиони муслимански Ујгури и други малцински групи.

Веќе четврта деценија штом општеството се фокусира на македонско-бугарските или македонско-албанските односи, на улиците излегуваат навивачките групи со навредливиот репертоар. Спонтано? Ајде, Ве молам.

повеќе

Нивото на Советот на Центар никако да порасне и да ги покаже демократските капацитети и зрелоста очекувани од граѓаните.

повеќе

Historia magistra vitae est (Историјата е учителка на животот). Оваа латинска изрека ќе ги објаснува односите меѓу народите и нациите додека постои светот.

повеќе