Проруските власти во три региони во Украина прогласија победа на референдумот за спојување со Русија

Властите во три региони во Украина под руска контрола прогласија победа на референдумот за спојување со Русија.

EPA-EFE

Русија организираше референдум во четири окупирани региони, кој Киев, Западот и Обединетите нации не го признаваат и го прогласија за спротивен на меѓународното право и Повелбата на ОН.

Локалното гласачко тело во јужниот регион Запорожје соопшти дека 93,11 отсто од гласачите се одлучиле за руска анексија по пребројувањето на сите гласачки ливчиња.

Во Херсон властите соопштија дека 87,05 отсто од гласачите се одлучиле за припојување кон Русија откако завршило пребројувањето на гласовите.

Во источниот регион Луганск кој го контролираат проруските бунтовници, преброени се 91,2 отсто од гласовите, а над 98 отсто се за припојување кон Русија.

Лидерот на самопрогласената Народна Република Луганск напиша на социјалната мрежа Телеграм дека е „јасно“ дека Луганск ќе се врати „во рускиот скут“.

Обединетите нации во меѓувреме соопштија дека се посветени на „украинскиот територијален интегритет во рамки на признатите граници“.

Десетици илјади жители избегаа од овие региони од почетокот на руската инвазија на Украина.

Градоначалникот на Мариупол Вадим Бошенко, кој го напушти пристанишниот град откако Русите го зазедоа по повеќемесечната опсада, кажа дека само околу 20 отсто од околу 100.000 преостанати жители гласале на референдумот во Доњецк.

Украина и Западот оценија дека Кремљ веќе одлучил за резултатот на гласањето и дека ќе го користи како изговор за незаконско грабање земја.

Легенда под Главна слика

EPA-EFE

Сведоци сме деновиве на сензационална приказна за некаков американски тим кој, внимавајте, агресивно ќе ловел корупција во Македонија.

повеќе

Најавите на американската администрација за бескомпромисна  борба против овие корумпирани,  неспособни  и криминални структури на сите нивоа на државата за македонските граѓани се единствено светло во тунелот.

повеќе

Концептот на даночната реформа, кој го претставивме минатата недела на заедничка прес конференција со премиерот е дел од поголем процес за креирање на оптимален даночен систем кој ќе биде праведен и ќе го поддржи економскиот раст.

повеќе