Мртва трка меѓу социјалдемократите и конзервативците

Проекции во Германија: СПД во блага предност пред ЦДУ, се спомнуваат можни коалиции

Социјалдемократската партија на Германија (СПД) освои околу еден отсто гласови повеќе од конзервативната коалиција на денешните парламентарни избори, покажува проекцијата на германската телевизија АРД објавена вечерва.

EPA-EFE

Според таа проекција, СПД добила околу 25,7 отсто од гласовите, а конзервативната коалиција на Христијанско-демократската унија (ЦДУ) и Христијанско-социјалната унија (ЦСУ) 24,5 отсто, додека на трето место се Зелените со 14,3 отсто од гласовите.

Според истата проекција, во германскиот парламент Бундестагот влегуваат и либералната Слободната демократска партија (ФДП) со 11,5 отсто, екстремно десната Алтернатива за Германија (АфД) со која никој не сака да коалицира, со 10,5 отсто, и Левица, која е со екстремно лева позиција, со 5 отсто.

Тоа значи дека СПД во Бундестагот кој има 730 места би имала 204 пратеници, ЦДУ/ЦСУ 197, Зелените 114, ФДП 91, АфД 83, Левица 40, а останатите партии еден пратеник.

Според проекциите на две германски телевизии, ЗДФ и Дојче веле, кои беа објавени претходно вечерва Социјалдемократската партија на Германија (СПД) исто така освоила околу еден отсто гласови повеќе од конзервативците на изборите.

На претходните избори, одржани во 2017 година, блокот ЦДУ-ЦСУ имаше 32,9 отсто од гласовите, СПД 20,5 отсто, Зелените 8,9 отсто, ФДП 10,7 отсто, АфД 12,6 отсто, а Левица 9,2 отсто.

Тесниот резултат на денешните избори навестува дека претстојат долги преговори за нова влада и дека е неизвесно кој ќе ја наследи канцеларката Ангела Меркел која се повлекува по 16 години на челото на владата.

Ако излезните анкети се покажат како точни, резултатот на десничарскиот блок ЦДУ-ЦСУ ќе биде најлошиот во повоената историја на Германија. Претходниот најлош резултат го имала во 1949 година, 31 отсто, во тогашна Западна Германија.

Легенда под Главна слика

EPA-EFE

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе