СВЕТСКИТЕ МЕДИУМИ ПОДЕЛЕНИ КАКО И НИВНИТЕ ЗЕМЈИ

Примирјето во Киев прекршено, не се знае кој пука - сите јавуваат различно (ВИДЕО)

Радикализираните бунтовници го прекршиле примирјето и почнале да пукаат кон спроведувачите на законот во Киев, соопшти украинското министерство за внатрешни работи, пренесува Раша тудеј. Во полициското соопштение за последната размена на оган се вели дека полицијата испратила вооружено засилување за да им овозможи на полицајците да се повлечат, кога демонстрантите почнале да пукаат во нив, пренесува Гардијан.

Дописникот на РТ јавува дека тукушто поминал низ плоштадот и дека луѓето таму велат дека нема да прифатат нов мировен договор барајќи Јанукович веднаш да даде оставка и да биде изведен пред суд.

„Тие пукаат кон трупите на Министерството за внатрешни работи стационирани на улицата Институтскаја. Сè уште не се знае дали некој е повреден. Нивната намера е да се обидат да се пробијат до Врховната рада (парламентот)“, рекол шефот на прес-канцеларијата на украинското Министерството за внатрешни работи, Сергеј Бурлаков, пренесува Интерфакс.

Гардијан, пак, вели дека по мирната ноќ сега се слушаат истрели на плоштадот во централен Киев, но дека не е јасно од каде и од кого доаѓаат истрелите. „Министерството за внатрешни работи ја обвинува опозицијата дека го прекинала кревкото примирје и дека пука кон полицајците“, пишува Гардијан и додава дека вооружени полицајци влегле во парламентот, но дека не е јасно со која цел. Полицијата била избркана од украинскиот парламент, рекол украинскиот заменик-спикер за Ројтерс.

Бројката на мртвите во судирите се искачи на 77 за три дена.

Вакцинирањето преку ред, слабата стратегија и лошата комуникација со јавноста ги обележаа првите месеци на вакцинирање во Хрватска која во моментов е близу дното на ЕУ во однос на процентот на вакцинирана популација. 

повеќе