Претседателот на Иран разговараше со Путин и Си Џинпинг за Авганистан

Иранскиот претседател Ебрахим Раиси разговараше со рускиот и со кинескиот колега Владимир Путин и Си Џинпинг за ситуацијата во Авганистан, беше објавено вчера на веб-страницата на иранскиот претседател.

Фото: ЕПА

Иран е подготвен да соработува со Кина за воспоставување безбедност, стабилност и мир во Авганистан, како и за прашања поврзани со развојот, напредокот и просперитетот на Авганистанците, рекол Раиси во телефонски разговор со кинескиот претседател.

„Веруваме дека заминувањето на странците, како и претходните искуства во таа земја, повеќе од кога било ја нагласија потребата за поддршка и учество на сите Авганистанци во обезбедувањето на безбедноста и развојот на Авганистан“, рекол Раиси, пренесува АП.

Во телефонскиот разговор со Владимир Путин, пак, Раиси рекол дека мора да се воспостави стабилност во Авганистан што е можно поскоро.

Тој посочил дека Иран верува дека „сите авганистански групи треба да работат заедно со цел да се воспостави стабилност во земјата што е можно поскоро и американското повлекување да стане пресвртница за траен мир и стабилност во Авганистан“.

Раиси ја пофалил иранско-руската соработка во Сирија, благодарение на што „текот на војната во таа земја беше обратен во корист на сирискиот претседател Башар Асад“.

Легенда под Главна слика

Фото: ЕПА

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе