Претседателот на Боцвана: Некои дипломати заразени со омикрон пристигнаа од Европа

Претседателот на Боцвана Мокгвееци Масиси во петокот рече дека некои од четворицата дипломати позитивни на варијантата омикрон на новиот коронавирус пристигнале од Европа и повика на укинување на одлуката за ограничување на патувањето од јужноафриканските земји воведени од страна на голем број земји.

Фото: ЕПА

Иако сè уште не е утврдено каде првпат се појавил омикронот, Јужноафриканската Република (ЈАР) објави дека открила нова варијанта на вирусот САРС-КоВ-2 на 25 ноември, а Боцвана го стори тоа еден ден подоцна, по што многу земји прибегнаа кон забрана за влез на патници од ЈАР и други јужноафрикански држави.

Јужна Африка се пожали дека е казнета за „научна извонредност“, истакнувајќи дека забраната за патување нема никаква научна основа.

„Ако ме прашувате мене, тоа е непотребно, да не речам неодговорно“, изјави Масиси за Си-ен-ен.

„Дипломати пристигнаа од голем број земји и поминаа низ неколку земји за да пристигнат во Боцвана“, додаде тој.

Некои од нив, рече тој, „пристигнаа од Европа“.

Масиси не сакаше да открие од кои земји дошле дипломатите или низ кои земји поминале бидејќи „вирусот никогаш не треба да се користи за геополитички цели“.

Досега во земјата се пријавени околу 20 случаи на зараза со новата варијанта.

Легенда под Главна слика

Фото: ЕПА

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе

Наместо да ги повлечат тужбите против воените инвалиди и членовите на семејствата на загинатите припадници на безбедносните сили, МВР отиде дотаму што поднесе тужби дури и против членовите на семејствата на загинатите полицајци со законска камата да ја вратат земената оштета.

повеќе