Прес-конференцијата на Ле Пен прекината од демонстрантка која истакна фотографија од неа и Путин во срце (ВИДЕО)

Прес-конференцијата на француската претседателска кандидатка Марин Ле Пен во еден момент била прекината откако жена од публиката подигнала плакат со фотографија на Ле Пен и Путин во форма на срце, пренесува Ле Монд.

Фото: Твитер

Станува збор за фотографија од средбата на Ле Пен и Путин од 2017 година во Париз за време на прес-конференцијата на кандидатот на Националното собрание.

Чуварите веднаш ја собориле демонстрантката на под и ја избркале од салата во која Ле Пен зборувала на повеќе актуелни теми.

Пред почетокот на конференцијата во Париз, демонстрантите ја пречекале Ле Пен пред зградата извикувајќи дека „Путин е убиец“ и дека „Ле Пен е Путинова соучесничка“. Противничката на Емануел Макрон отсекогаш ја поддржувала политиката на Путин, толку многу што во Европскиот парламент ја нарекле „Мадам Путин“.

На почетокот на прес-конференцијата Ле Пен рече дека нејзината намера е да ѝ го врати единственото место на Франција во светот, имајќи предвид дека „Франција е земја на христијанството, просветителството и хуманизмот“. Претседателската кандидатка потсети на зборовите на папата Јован Павле Втори, кој изјави дека Франција е „најстарата ќерка на црквата“.

Главните карактеристики на Франција, според зборовите на Марин Ле Пен се независноста, доследноста и еднаквата оддалеченост од сите земји и држави.

Како што вели, таа планира тоа да го обнови. Покрај тоа, таа изјави дека има намера да ја обнови „тајната дипломатија“ бидејќи смета дека таквата дипломатија е најефикасна, пренесува Ле Монд.

Ле Пен вели дека има намера повторно да го зајакне билатерализмот бидејќи верува дека е во сенка на мултилатерализмот. Таа нагласи дека не чувствува непријателство кон Германија и дека има намера да воспостави поцврсти билатерални односи со таа земја, иако интересите на двете земји се различни.

Билатерализмот е запоставен бидејќи се дава преголемо значење на европскиот проект“, изјави Марин Ле Пен.

Легенда под Главна слика

Фото: Твитер

Одлучната изборна победа на италијанската десница овозможува нејзиниот лидер да биде првата жена премиер во Италија и прва која тврди дека недвосмислено има постфашистичко потекло.

повеќе

Нов фронт за работа на градежните фирми на веќе изградените згради (и куќи) треба да биде топлинската изолација.

повеќе

Во Македонија не постои никаква забрана за конверзиона терапија, а лиценцираните психолози што може да се јават како спроведувачи или наведувачи на ваква „терапија“, за жал, не сносат никакви последици.

повеќе