Премиерката на Хонг Конг го суспендира законот за екстрадиција по масовните протести

Премиерката на Хонг Конг Кери Лам изјави дека ќе се одложи усвојувањето на предлог законот со кој би им се овозможило на осомничените за судење да бидат екстрадирани во Кина.

Кери Лам ја даде изјавата по масовните протести во Хонг Конг организирани поради незадоволството од законот, пренесе Ројтерс.

Законот за екстрадиција, кој би ги опфатил 7 милиони жители на Хонг Конг, како и странските и кинеските државјани во градот, многумина го сметаат за закана за владеењето на правото во поранешната британска колонија.

Околу еден милион луѓе минатата недела излегоа на улиците за да се спротивстават на законот, според организаторите на протестот, најголема излезеност од протестите во градот против крвавото сузбивање на продемократските демонстрации центрирани околу плоштадот во Тјенанмен во Пекинг на 4 јуни 1989 година.

„По повторните интерни дискусии во изминативе два дена, објавувам дека владата одлучи да го суспендира предлог законот, да ја обнови нашата комуникација со сите сектори на општеството, да даде повеќе објаснувања и да ги слуша различните гледишта во општеството“, рече Лам на прес-конференцијата.

Таа рече дека нема краен рок, ефективно се суспендира процесот на неодредено време.

Противниците на законот веруваат дека осомничените кои би биле екстрадирани во Кина би немале фер судење во земјата.

Зарашана дали ќе се повлече од функцијата, Лам избегнуваше директно да одговари и апелираше до јавноста „да ни даде уште една шанса“. Таа рече дека со децении била државен службеник и сè уште има работа што сака да ја работи.

Овогодинешниот процес во одлучување по конкурсот за финансирање на проекти за игран филм е селективен, корумпиран и компромитиран,

повеќе

Во споредба со 2019 година, просечното време поминато на социјалните медиуми во 2020 година се зголеми за рекордни 100% на сите платформи.

повеќе

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе