Прекинати преговорите за иранскиот нуклеарен договор во Виена

Во Виена од април се водат преговори за чекорите кои треба да ги преземат Иран во врска со нуклеарните активности и САД во врска со санкциите за да се постигне целосна согласност за нуклеарниот договор.

EPA-EFE

Преговарачите од Иран и шесте светски сили денес ги прекинуваат разговорите за заживување на нуклеарниот договор од 2015 година, и се враќаат во своите држави на консултации, бидејќи преостанатите разлики не можат лесно да се надминат, потврди шефот на иранската делегација Абас Аракчи.

„Поблиску сме до договор од кога било, но остануваат некои разлики во ставовите кои не можат лесно да се надминат и тоа не е лесна работа. Затоа вечерва се враќам во Техеран“, кажа Аракчи во интервју за иранската државна телевизија.

Целта на преговорите во Виена е да се постигне целосна согласност за нуклеарниот договор од кој администрацијата на американскиот претседател Доналд Трамп се повлече во 2018 година и ги врати санкциите против Техеран.

„Пополнувањето на празнините во договорот бара одлуки кои главно треба да ги донесе другата страна. Се надевам дека во следната рунда од разговорите ќе ја надминеме оваа мала, но тешка делница во преговарачкиот процес“, истакна Аракчи.

Главниот непријател на Иран, Израел, ја осуди претходно победата на претседателските избори на Ебрахим Раиси, ултра-конзервативец и доскорешен судија на врховниот суд на Иран, на изборите со предупредување дека новата оранска власт ќе биде „режим на брутални џелати“ со која светските сили не би требало да преговараат за нов нуклеарен договор.

Не е јасно кога формалните преговори ќе продолжат.

Легенда под Главна слика

EPA-EFE

Како и главниот лик во романот, Доне Совичанов, и Ташко Георгиевски никогаш не потклекна и не побара пусулче од Канцеларијата на нашиот јужен сосед во Скопје за да ја премине границата и да го посети своето родно село во Егејска Македонија.

повеќе

Министерството за финансии во изминатиот период активно работеше на реформа за унапредување на фискалната децентрализација, која нуди сериозно системско решение за стабилни финансии на општините кои ќе значат одговорни општини и испорака на квалитетни и ефикасни услуги за граѓаните. 

повеќе

Либералната империјалистичка доктрина на Америка е одговорна за ужасниот масакр во места како Виетнам, Ирак и Централна Америка. Но Америка, исто така, произведе либерална антиимперијалистичка доктрина што останува затскриена во една ТВ-серија што ја восхитува американската публика уште од 1966 година.

повеќе