Пред 74 години Америка фрли атомска бомба на Хирошима, умреа 140.000 луѓе (ВИДЕО)

Во Хирошима е одбележана 74-годишнината од американскиот напад со атомска бомба.

За време на церемонијата градоначалникот Казуми Мацуи ја потсети јапонската влада дека треба да се придружи на договорот на ОН за забрана на нуклеарното оружје.

На церемонијата во Меморијалниот парк присуствуваа 50.000 граѓани, преживеани и потомци на настраданите, како и претставници на 90 земји, вклучувајќи ги САД, Русија, Британија.

Комеморацијата почна со минута молк во 8:15 часот по локално време, точното време кога Американците во 1945 година ја фрлија атомската бомба врз Хирошима, која уби 140 илјади луѓе.

„Низ целиот свет, гледаме дека егоцентричниот национализам е во подем, тензиите се засилуваат од меѓународното ривалство, а нуклеарното разоружување сопира“, кажа Мацуи на церемонијата.

Тој ја повика јапонската влада да се придружи на договорот на ОН за нуклеарно разоружување.

„Ја повикувам владата на единствената земја која го доживеа нуклеарното оружје во војна да се придружи на барањето на преживеаните и да го потпише и ратификува договорот. Ги повикувам лидерите да го покажат пацифизмот на јапонскиот устав со тоа што ќе покажат лидерство во преземањето на следниот чекор кон свет ослободен од нуклеарното оружје“, кажа градначалникот на Хирошима.

Јапонскиот премиер Шинзо Абе по церемонијата одржа конференција за новинарите на која кажа дека договорот не ја претставува „реалноста за безбедноста“.

Абе истакна дека Јапонија ќе работи како „медијатор меѓу државите со нуклеарно оружје и оние кои го немаат“.

Повлекувањето на Обединетото кралство од ЕУ (Брегзит) е правен потфат без преседан во историјата на правото.

повеќе

Изминатата недела имаше бурен почеток со објавувањето на вториот сет мерки. Се изнаслушавме разно-разни коментари, предлози и видувања кои никако не би можело да се рече дека се засновани на прецизни анализи и предвидувања на надлежните институции во државата, со кои располагаме, НБРСМ и МФ.

повеќе

Наместо да седнат заедничи и оние од власта и оние од опозицијата и да се договорат околу стратегијата за борбата со најголемата опасност, тие мудруваат и кажуваат бајки.

повеќе