Пожарите продолжуваат да ја пустошат Грција, Мицотакис им се извини на граѓаните (ВИДЕО)

Пожарникарите утринава продолжија да ги гасат пожарите на грчкиот остров Евија за да спречат големиот пожар да стигне до градот во кој живеат повеќе од илјада жители. Пожарот гори веќе осми ден на островот на 200 километри источно од Атина. Пожарникарите цела ноќ се бореа на неколку фронта да го сопрат ширењето на пожарот.

EPA-EFE

Локалните власти кажаа дека денес се очекува во гасењето на пожарот да се вклучат и хеликоптери и авиони, доколку поради чадот биде возможно летањето. На островот има 650 пожарникари, меѓу кои 250 дојдени од Украина, Романија и Србија. Во гасењето учествуваат 17 хеликоптери, вклучувајќи два од Швајцарија и два од Египет, како и осум авиони, меѓу кои три француски канадери.

Грчкиот премиер Киријакос Мицотакис се извини за грешките во сузбивањето на разорните пожари кои ја погодија Грција минатата недела.

Повеќе од 500 пожари горат низ Грција, поради што илјадници луѓе беа приморани да се евакуираат, а граѓаните се сè погневни поради доцнењето во одговорот на владата, пренесува Ројтерс.

Мицотакис синоќа вети дека грешките ќе бидат утврдени и исправени, но и повика на единство.

„Целосно ја разбирам болката на нашите сограѓани кои гледаа како им горат куќите или имотите“, кажа тој.

„Сите пропусти ќе бидат утврдени, како и одговорноста“, додаде грчкиот премиер.

Вети дека уништените шуми ќе бидат обновени, дека ќе биде изградена климатска одбрана и ќе им биде надоместена штетата на оние чиј имот е уништен во пожарите.

„Климатската криза чука на вратата на целата планета“, истакна Мицотакис.

Грчкиот премиер одобри пакет за помош во износ од 500 милиони евра за Евија и регионот Атика околу Атина. Грчките министри ќе се сретнат утре за да разговараат за понатамошни мерки за поддршка.

Грција се соочува со природна катастрофа од невидени размери, додека 586 пожари горат во сите краишта на земјата, кажа вчера грчкиот премиер во телевизиското обраќање.

Оваа држава е под удар на еден од најлошите топлотни бранови во последните неколку децении, а пожарникарите продолжуваат да се борат против пожарите низ земјата. Во последните неколку дена се извршени 63 организирани евакуации, кажа Мицотакис.

„Овие последни денови беа едни од најтешките за нашата земја во последните неколку децении“, кажа, наведувајќи ги екстремните жештини и сушните месеци како проблеми кои ги искомплицираа напорите за гасење на пожарите.

„Очигледно е дека климатската криза ја погодува целата планета“, кажа Мицотакис. „Тоа е објаснувањето, но не изговор или алиби. Можеби направивме сè што е човечки можно, но се чини дека во многу случаи тоа не било доволно во нерамноправната борба со природата“, додаде.

Легенда под Главна слика

EPA-EFE

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе