Анкета

Повеќето Британци веруваат дека излегувањето од ЕУ е грешка

Рекордно мнозинство Британци сметаат дека напуштањето на ЕУ било грешка, покажуваат резултатите од најновите анкети, пишува порталот Бизнис инсајдер.

Фото: ЕПА

На крајот на годинава Велика Британија ќе го напушти единствениот пазар на ЕУ и царинската унија, по повеќе од четири години од победата на опцијата брегзит на референдумот.

Сепак, рекорден процент Британци за анкетната агенција „Југов“ рекле дека сега веруваат дека гласањето за брегзит било погрешна одлука.

Според резултатите од најновото истражување, 51 процент од испитаниците одговориле позитивно на прашањето дали Велика Британија не била во право кога е изгласано напуштањето, 38 проценти сметаат дека е во право, а 11 проценти не знаат.

Кога од одговорот ќе се исклучат сите одговори „не знам“, 57 проценти од Британците сметаат дека било погрешно да ја напуштат ЕУ, наспроти 43 проценти што сметаат дека тоа е правилна одлука.

Ова е најголем степен на поддршка за процената дека брегзитот бил погрешен што ја забележала агенцијата „Југов“.

Новите резултати од испитувањето беа објавени во време кога преговарачите во Велика Британија и ЕУ се обидуваат до крајот на годинава да постигнат договор и да го ратификуваат новиот трговски договор.

Двете страни изразуваат уверување дека следната недела ќе биде постигнат договор за да имаат доволно време за ратификација пред Нова година.

Легенда под Главна слика

Фото: ЕПА

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе