Повеќе од 1.300 лица се приведени низ цела Русија во задушувањето на антивоените протести (ВИДЕО)

Повеќе од 1.300 лица се приведени во средата во 38 градови низ Русија во задушувањето на антивоените протести, според независната група за набљудување на протести ОВД-Инфо.

Фото: ЕПА

Групата рече дека бројката вклучува најмалку 502 лица во Москва и 524 лица во Санкт Петербург, пренесе Си-ен-ен.

Демонстранти излегоа на улиците во неколку градови во Русија за да протестираат против декретот на претседателот Владимир Путин за делумната мобилизација на резервистите во вооружените сили на земјата.

Демонстрантите во Москва извикуваа „Не на војната! и „Живот за нашите деца! објави новинската агенција Асошиетед прес.

Во Санкт Петербург, демонстрантите извикуваа „Не за мобилизацијата".

„Сите се исплашени. Јас сум за мир и не сакам да бидам приморан да пукам. Но, излегувањето сега е многу опасно, инаку, ќе имаше многу повеќе луѓе", рече демонстрантот Василиј Федоров, студент кој носел пацифистички симбол на градите.

„Дојдов да кажам дека сум против војната и мобилизацијата", изјави за АФП Оксана Сидоренко, студентка.

„Зошто ја одлучуваат мојата иднина наместо мене? Се плашам за себе, за мојот брат", додаде таа.

И покрај строгите закони на Русија против критикување на војската и војната, протести се одржаа низ целата земја.

Руската новинска агенција Интерфакс го цитираше Министерството за внатрешни работи дека ги прекинало обидите за „организирање неовластени собири“.

Сите демонстрации се прекинати, а оние кои извршија „прекршувања“ беа уапсени и одведени од полицијата во очекување на истрага и постапка, се додава.

Легенда под Главна слика

Фото: ЕПА

Сведоци сме деновиве на сензационална приказна за некаков американски тим кој, внимавајте, агресивно ќе ловел корупција во Македонија.

повеќе

Најавите на американската администрација за бескомпромисна  борба против овие корумпирани,  неспособни  и криминални структури на сите нивоа на државата за македонските граѓани се единствено светло во тунелот.

повеќе

Концептот на даночната реформа, кој го претставивме минатата недела на заедничка прес конференција со премиерот е дел од поголем процес за креирање на оптимален даночен систем кој ќе биде праведен и ќе го поддржи економскиот раст.

повеќе