Потпретседателот на Трамп ќе присуствува на инаугурацијата на Бајден

Мајк Пенс ќе присуствува на претстојната инаугурација на Џо Бајден, објавија повеќе американски медиуми. Така Пенс стана последниот долгогодишен лојалист кој го напушти се поизолираниот Доналд Трамп.

Фото: ЕПА

Односите меѓу Трамп и Пенс се затегнати од средата, кога Пенс официјално ја објави победата на Бајден. Толпа екстремни десничари упаднаа во Капитол истиот ден сакајќи да спречат Конгресот да го потврди тоа. Во немирите поттикнати од Трамп загинаа пет лица, а Пенс мораше да побегне од налетот на толпата.

Новиот претседател на САД претходно неделава рече дека Пенс ќе биде добредојден на официјалната заклетва, закажана за 20 јануари, во намален обем поради коронавирусот.

„Би ни било чест да присуствува и да се движиме напред во транзицијата“, изјави Бајден пред новинарите.

Претседателката на Претставничкиот дом, Ненси Пелоси, предупреди дека демократите ќе започнат постапка доколку Трамп не поднесе оставка или Пенс не се повика на 25-тиот амандман, според кој кабинетот го отстранува претседателот од функцијата.

Иако Пенс не зборуваше јавно за тоа, Њујорк Тајмс објави дека тој е против примената на тој механизам, никогаш порано користен во историјата на САД.

Легенда под Главна слика

Фото: ЕПА

Можеби ни треба регистар на погрешни перцепции на граѓаните за криминалот и корупцијата во државата.

повеќе

Младите бараат подобар живот надвор од државата, бидејќи доаѓаат до заклучок дека приватните компании и странските организации им пружаат поголема поддршка и повеќе ги вреднуваат отколку сопствената држава.

повеќе

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе