После Мадуро и венецуелската опозиција ги напушти преговорите

Опозицијата во Венецуела објави дека ги напуштила преговорите и дека завршил дијалогот за решавање на политичката криза, под покровителство на норвешкото Министерство за надворешни работи, шест недели откако претседателот Николас Мадуро се повлече од преговорите.

Разговорите, главно, водени на карипскиот остров Барбадос, започнаа по неуспешниот воен удар, поттикнат од лидерот на опозицијата Хуан Гуаидо во април против Мадуро, кој е обвинет за кршење на човековите права и економскиот колапс, што доведе милиони да емигрираат од Венецуела.

Претставниците на Мадуро ги напуштија преговорите во август во знак на протест против воведувањето на поостри американски санкции врз Венецуела.

Опозициските критичари на дијалогот со Мадуро тврдат дека Мадуро се согласил да преговара само за да купи време.

„Диктаторскиот режим на Николас Мадуро го отфрли процесот на преговарање со лажни оправдувања“, се вели од кабинетот на Гуаидо во соопштението објавено на Твитер.

„По повеќе од 40 дена, во кои тие одбиваа да продолжат (со преговорите), потврдуваме дека барбадоскиот механизам заврши“, се додава.

Ниту венецуелското Министерство за информации ниту норвешкото Министерство за надворешни работи досега не го коментираа повлекувањето од преговорите.

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе

Се поставува прашањето, дали треба да се жртвува слободата за сметка на жртвите кои се последица од вирусот, кој не можеме да го спречиме освен со строги санкции и мерки?

повеќе