На локалните избори во Унгарија

Пораз на Орбан, опозицијата ја освои Будимпешта

Кандидатот поддржан од неколку опозициски партии Гергели Карачоњи е избран за градначалник на Будимпешта на вчерашните избори во Унгарија.

Карачоњи го победи првиот човек на главниот град, кандидатот на владејачката партија Фидес на премиерот Виктор Орбан.

По 74 отсто преброени гласови на изборите во Будимпешта, Карачоњи има 50,1 отсто од гласовите, а кандидатот на Фидес Иштван Тарлош 44,8, наведуваат локалните медиуми и додаваат дека досегашниот градоначалник му се јавил на ривалот и му ја честитал победата.

Според проекциите, опозициските партии би требало да победат во десетина од 23 најголеми градови, додека на локалните избори во 2014 победија во само три.

Излезноста беше околу 50 отсто, што е еден од најголемите одзиви на гласачите на локални избори во Унгарија од обновата на демократијата во 1990 година.

Аналитичарите очекуваат Орбан, кој ја предводи Фидес до убедливи победи на сите парламентарни избори од 2010 година, и покрај разочарувачките резултати да продолжи со тврдиот стил кој вклучува антиемигрантска политика, сѐ поголема доминација врз медиумите и концентрација на власта околу кабинетот на премиерот.

Historia magistra vitae est (Историјата е учителка на животот). Оваа латинска изрека ќе ги објаснува односите меѓу народите и нациите додека постои светот.

повеќе

Добро е, во прво време, г. премиер, да го поттикнете Вашиот министер за култура да најде погодна форма да се преобјави книгата „По повод најновиот напад на нашиот јазик“ од Конески, пишува професорот Атанас Вангелов во отворено писмо до премиерот Зоран Заев.

повеќе

Мислам дека Европа нема ни да дозволи полемика за македонскиот јазик затоа што тоа е строго научна работа. Освен нашите политичари-шупелки, никој друг не би посегнал по таа светост.

повеќе