Поранешниот шеф на изборната кампања на Трамп ја призна вината во истрагата за дослух со Русите

Пол Манафорт, поранешниот шеф на кампањата на претседателот на САД Доналд Трамп се согласи, според судските документи, да ја признае вината за две точки од обвинението во рамки на договорот со специјалниот истражител Роберт Мјулер, што е нов удар за Трамп во долгата истрага за руското мешање во американските избори.

Во рамки на договорот 69-годишниот Манафорт може да се обврзе да соработува во Мјулеровата истрага за улогата на Русија во претседателските избори во 2016 и за тоа дали Трамповата кампања била во дослух со Русите на тие избори.

Манафорт ќе ја признае вината по една точка од обвинението за заговор против САД и една за заговор за попречување на правдата, според документите на судот во Вашингтон. Во новиот судски документ се додадени пет нови точки на обвинението.

Суд во Вирџинија минатиот месец го осуди Манафорт за банкарски и даночни измами.

Одлуката на Манафорт би можела да биде удар за Трамп кој минатиот месец го пофали својот поранешен помошник за тоа што не склучил договор со обвинителите, како поранешниот личен адвокат на Трамп Мајкл Коен.

Американскиот претседател на 22 август на Твитер напиша: „За разлика од Мајкл Коен, тој одби да изнесе измислени приказни за да се договори. Голема почит за храбриот човек!“

Според судските документи, промената во обвинението за заговор вклучува перење пари, даночна измама, непријавување сметки во странски банки и работа како нерегистриран лобист за проруските политичари во Украина. Втората точка од обвинението, таа за попречување на правдата, се однесува на обидите за влијаење врз сведоци поврзана со неговото лобирање.

Сите компании кои застапуваат некоја странска земја или организација мора редовно да ги информираат американските власти за врските со таа држава или организација.

Парадоксалните судски процеси во државава, сами по себе родија парадокс.

повеќе

Следејќи ги слепо своите геостратешки планови, можно е американските геостратези и во Македонија да направија уште една грешка, во низата грешки во последните две декади.

повеќе

Подгорица во 2019 година ќе добие споменик на Јосип Броз Тито.

повеќе