Поранешниот германски канцелар Шредер ќе ги загуби привилегиите поради врските со Русија

Поранешниот германски канцелар Герхард Шредер дополнително ќе биде казнет затоа што одбива да ја осуди руската инвазија на Украина.

Фото: ЕПА

Германската владејачка коалиција, предводена од Социјалдемократите (СПД), партија на која ѝ припаѓа и Шредер и која некогаш ја водеше, ќе му ги одземе посебните права што ги ужива како поранешен канцелар. Тој ќе остане без канцелариите во Берлин и персоналот, според владиниот предлог што треба да го одобри Комисијата за буџет во четврток.

Шредер ќе може да ја задржи пензијата и личната заштита. Конзервативната опозиција побара тој да остане и без пензија.

Опозицијата тврди дека го нарушува угледот на Германија во светот бидејќи не се дистанцира од рускиот претседател Владимир Путин и затоа што ги задржа своите должности во различни руски енергетски компании. Шредер беше канцелар од 1998 до 2005 година, последниот социјалдемократ на чело на Германија пред сегашниот канцелар Олаф Шолц.

Потоа меѓу другото работеше за Северен тек, Газпром и Роснефт. Раководството на СПД побара од него да ја напушти партијата. Некои дури бараа да биде избркан.

Легенда под Главна слика

Фото: ЕПА

Се докажува дека ЕУ интеграцијата е дијалектички процес, кој е подложен на динамика и на противтежни сили, процес кој нема да се одвива стабилно, автоматски и линеарно.

повеќе

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе