Поплави ја погодија Кина, десетици градови под вода (ВИДЕО)

Поради обилните врнежи во централната кинеска покраина Хенан, најголемите реки се излеаја и ги поплавија улиците на десетици градови, оставајќи ги патниците во метрото заробени во вода до половина.

Screenshot

Хенан, густо населена покраина двојно поголема од Австрија од викендот е погодена од невреме во невообичаено активната дождовна сезона.

Нема официјални извештаи за загинати или повредени, но репортерот на Еј-би-си известува дека засега едно лице загинало.

Во Женгжу, главниот град на Хенан на бреговите на Жолтата река, во вторникот за еден час паднале повеќе од 200 мм дожд, принудувајќи го градот да го прекине целиот сообраќај во подземната железница.

Во драматичното видео споделено на социјалните мрежи, патниците во подземната железница може да се видат во матна вода до половината и железничката станица претворена во базен.

Во Ружоу, југозападно од Женгжу, надојдената вода на улиците носела автомобили и други возила, покажуваат снимките на социјалните мрежи.

Надојдената река Ји им се заканува на пештерите Лонгмен заштитени од УНЕСКО каде се наоѓаат илјадагодишни статуи на Буда исклесани во варовнички карпи во близина на градот Луојанг.

Храмот Шаолин во Денгфенг, познат по своите ориентални боречки вештини, исто така е привремено затворен.

Од саботата до вторникот на 3.535 метеоролошки станици се забележани врнежи поголеми од 50 mm, од кои 1.614 повеќе од 100 mm и 151 повеќе од 250 mm.

Најголеми врнежи имало во градот Лушан, 498 мм. Дождот, според прогнозата треба да престане во четврток.

Легенда под Главна слика

Screenshot

Стратешко партнерство на македонската влада со Зока енерџи солушнс, компанија регистрирана за обработка и отстранување на опасен отпад, не е правилен начин за решавање на проблемот во мала држава како Македонија.

повеќе

Цивилизацијата би можела да се дефинира како глутница која има рационална потреба да ги легитимира и образложи своите колежи, грабежи и узурпации.

повеќе

„Сакајќи ја Америка и должејќи ѝ ја првата верност нејзе, ние ќе бидеме безвредни синови и ќерки на Америка ако немаме љубов во нашите срца за почвата што нè хранеше во нашето детство, за јазикот што го зборуваме и што го немаме заборавено...“

повеќе