Помпео: Трамп треба да добие Нобелова награда за мир

Американскиот државен секретар во заминување Мајк Помпео оцени дека наскоро досегашниот претседател на САД Доналд Трамп би требало да ја добие Нобеловата награда за мир за промовирањето на арапско-израелскиот мир.

EPA-EFE

Помпео ова го предложи на Твитер за време на седницата на Претставничкиот дом на американскиот Конгрес на која по вторпат беше изгласано отповикување на Трамп, поради неговата улога во немирите минатата среда, кога неговите поддржувачи упаднаа во Капитол. Во немирите загинаа пет лица.

Трамп и неговите сојузници не ја кријат желбата претседателот во заминување да ја добие Нобеловата награда за мир.

Кампањата во име на Трамп неколку пати предизвика негодување бидејќи самопромоцијата за таа награда се смета за непримерна.

Помпео на Твитер објави фотографија на која Трамп мавта од балконот на Белата куќа со израелскиот премиер Бенјамин Нетанјаху и високи претставници на Обединетите Арапски Емирати и Бахреин.

Фотографијата е направена во септември минатата година кога Израел ги нормализираше односите со ОАЕ и Бахреин според договорот за кој преговараше високиот советник и зет на Трамп Џаред Кушнер.

Легенда под Главна слика

EPA-EFE

Кусокот во глобалното производство на вакцини против КОВИД-19 може да се надомести доколку на производителите ширум светот им се даде пристап до потребната технологија и знаење. 

повеќе

Европа е решена да се ослободи од меката моќ на Москва (енергенсите), а и на дипломатско поле сака да и стави до знаење дека и за неа ќе има „црвени линии“. 

повеќе

Незабележливите разлики во нашето однесување кои се дел од психолошката манипулација на социјалните мрежи се предизвикани од надзорниот капитализам и ја нарушуваат демократската култура и личната автономија.

повеќе