Шефот на американската дипломатија

Помпео сепак нема да оди во Москва, ќе го посети Брисел за преговори за Иран

Американскиот државен секретар Мајк Помпео ги смени станиците на својата посета на Европа, па наместо Москва, како што беше најавено, ќе замине во Брисел за со европските државници да разговара за Иран и други важни прашања.

Наместо да се упати директно кон Москва, денес Помпео ќе разговара со европските функционери, изјави анонимен претставник на Стејт департментот за Ројтерс.

Откажувањето на посетата на Москва најверојатно нема да влијае врз неговата утрешна средба со рускиот претседател Владимир Путин и министерот за надворешни работи Сергеј Лавров, која е закажана за утре во Сочи. Помпео треба да разговара со нив за она што Вашингтон го нарекува „агресивни и дестабилизирачки постапки“ на Русија.

Вашингтон постојано ја обвинува Москва за мешање низ целиот свет, во последно време за Венецуела, каде, според Помпео, само на САД им е дозволено да се мешаат во внатрешните прашања, коментира Раша тудеј.

Помпео цела минатата недела ја мина ексалирајќи го притисокот врз Иран, заканувајќи е со „брза и решителна“ американска акција како одговор на она што го дефинира како „напад врз американските интереси или граѓани“ од страна на „Иран или неговите сателити“. Тој минатата недела ја откажа посетата на Германија и наместо тоа замина во Ирак, каде порача дека Багдад треба да се воздржи од соработка со Техеран.

Во петокот Пентагон соопшти дека испраќа дополнителни противвоздушни системи „патриот“ на Блискиот Исток како поддршка на носачите на авиони и бомбардерите испратени во близина на иранскиот брег како „предупредување“.

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе