Полски војник загина на границата со Белорусија

Полски војник загина на источната граница на земјата со Белорусија, потврди полската војска, додавајќи дека неговата смрт била последица на „несреќа“ и дека „нема вмешана трета страна“.

Фото: ЕПА

Војникот бил распореден на границата пред околу една недела, се вели во соопштението на полската 17-та Вјелкополска механизирана бригада. Според прелиминарниот извештај, неговото оружје случајно испукало и во инцидентот немало трети лица.

Починатиот војник, исто така, никогаш не стапил во контакт со мигранти за време на неговата служба на границата, соопшти командата на бригадата, додавајќи дека војската го информирала семејството на мажот и им дава психолошка поддршка.

Инцидентот се случува во време на зголемени тензии долж границата меѓу Полска и Белорусија, што ја натера Варшава да ја засили граничната безбедност таму, поради приливот на мигранти за кој ЕУ ја обвинува за политиката на „хибридна војна“ на Минск, која ги охрабрува мигрантите да тргнат по нов пат кон Европа преку белоруската територија. 

Минск ги негира сите обвинувања и вели дека едноставно не може да си дозволи да ја заштити ЕУ од приливот на мигранти поради големите санкции наметнати на Белорусија.

Легенда под Главна слика

Фото: ЕПА

Јазикот е многу повеќе од структура на една реченица или граматика, јазикот е нашата историја, нашите обичаи и нашето наследство...

повеќе

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе