Учествуваше на средбата на министрите за надворешни работи на ЕУ

Политико: Блинкен кажа дека САД се спремни да работат и на стабилизацијата на Западниот Балкан

Американскиот државен секретар Ентони Блинкен, кој учествуваше на состанокот на министрите за надворешни работи на Европската Унија, покажал интерес за европското соседство, а особено кажал дека САД се спремни да работат на стабилизацијата на Западниот Балкан, пишува бриселски Политико.

EPA-EFE

Повикувајќи се на дипломатски извори, порталот наведува дека и самиот факт што Блинкен толку брзо се согласил да учествува на вчерашната средба на Советот за надворешни работи претставува добар знак.

Тоа што останал и ги ислушал сите 27 министри е уште еден знак, барем на неговото трпение, додаваат изворите.

Повикувајќи се на соопштение на американскиот Стејт департмент Политико наведува дека на состанокот станало збор за „заедничкиот одговор на жешките глобални прашања, вклучувајќи ги ковид-19, Иран, Кина и климатските промени, а секретарот, како што се додава, ја поздравил одлуката на ЕУ да ѝ наметне санкции на Русија под изговор на нарушување на човековите права, за случајот со Алексеј Навални и неговите поддржувачи“.

САД подготвуваат сопствен одговор на затворањето и наводното труење на рускиот опозиционер, а се очекува дека во следните недели ќе се координираат околу санкциите со Европа, се наведува.

Легенда под Главна слика

EPA-EFE

 Еврообврзница во услови на најголемата светска економска криза за репрограмирање на долгот и буџетска поддршка.

повеќе

Повикот на Заев за „Влада за национален спас“ само три дена откако неговиот кабинет ја доби собраниската доверба, покажува дека таа тешко би се качила над сегашните 62 пратеници.

повеќе

Богатите држави мораат веднаш да донираат вакцини против ковид-19 на загрозените држави. 

повеќе