Полицијата во Венецуела им го блокираше пристапот на пратениците до парламентот

Венецуелските безбедносни сили го блокираа денес пристапот до народното собрание, единствената институција која ја контролира опозицијата на режимот на претседателот Николас Мадуро, чија власт ја продолжува офанзивата против опозицијата собрана околу Хуан Гуаидо, две недели по неуспешниот бунт.

Од утринава полицијата, Боливарската национална гарда и разузнавачките служби (Себин) се поставени околу Сојузната палата и им забрануваат простап на пратениците и новинарите, јавуваат агенциите.

Пратениците требало да расправаат за процесот против десетмина нивни колеги кои правосудството ги обвинува дека „активно“ го поддржале неуспешниот бунт на 30 април, на кој повика Гуаидо.

Владата на Николас Мадуро се обидува „да ја грабне законодавната власт, додека диктаторот се крие во палатата во која не би требало да се наоѓа и се плаши од сите околу него“, напиша Гуаидо на Твитер.

По повикот на бунт пред две недели, власта ја насочи својата офанзива кон собранието, единствената институција која не ја контролира, и ги прогонува „предавниците“ кои ги смета одговорни за таа операција.

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе

Без оглед на политичката заднина на случајот за изнудување, владата во Скопје мора да се фокусира на темелна истрага наместо на ограничување на штетата.

повеќе